Infermjeri Korab Gjana është njëri nga anëtarët e grupit të djeshëm prej 30 personash që u nisën ditën e djeshme drejt Italisë për ti ardhur në ndihmë kolegëve të tyre në vendin fqinj në luftën ndaj koronavirusit.
Në videon e mësipërme, infermjeri shprehet se ndodhet në spitalin civil të Brescias, ndërsa bën apel ndaj qytetarëve shqiptarë që të bëjnë kujdes dhe të qëndrojnë në shtëpi.
“Përshëndetje, jam Korab Gjana nga Ujmishti, prshëndes të gjithë kuksianët dhe shqiptarët kudo që janë. Ne ndodhemi në Itali, në spitalin civil të Brescias, Ju përshëndes dhe Zoti ju ruajt, bëni kujdes dhe qëndroni në shtëpi të dashur qytetarët e mi”, thotë Gjana.
Shqipëria ka nisur dje 30 mjekë drejt Italisë, për të qenë në vijën e parë të luftës kundër COVID-19. Dërgimi i mjekëve është bërë pas një marrëveshje mes Edi Ramës dhe Luigi Di Maio.
Mjekët shqiptarë do ndihmojnë kolegët e tyre në përballimin e situatës që po kalon Italia me përhapjen e koronavirusit ku deri tani kanë humbur jetën mbi 10 000 përsona ndër to edhe disa mjekë.
(F.GJ/FAXWEB.AL)
Discussion about this post