Virjon Idrizi bashkë me dy miqtë e tij janë bllokuar në Gjermani ndërsa kanë bërë thirrje përmes ekranit të Fax News që shteti të marrë masa për riatdhesimin e tyre pasi çdo ditë dhe po bëhet më e vështirë për ta.
Ai shprehet se kanë bërë kërkesë për t’u kthyer por autoritetet shqiptare pavarësisht se ju kanë thënë se do t’i kontaktonin, nuk e kanë bërë ende një gjë të tillë.
Ai shprehet se janë shumë shtetas shqiptarë qëndodhen në një situatë të tillë në Gjermani ndërsa pohon se ka vajtur në shtetin europian për të punuar.
“Kemi bërë aplikimet me datën 20 në ambasadën shqiptare në Berlin por nuk na kanë kthyer përgjigje akoma. Për punë kemi ardhur, pse të gënjejmë. Kemi dërguar kërkesat, na thanë se do ju njoftojmë. Jam tek një miku im kosovarë, jemi keq. Jemi 3 veta. Ngushëlloj familjarët e përsonave që kanë humbur jetën nga pandemia. Shteti shqiptarë duhet të marrë masa për rikthimin e shqiptarëve në atdhe siç bëjnë të gjitha shtet europiane. Ka plot shqiptarë të tjerë që kanë bërë kërkesë por nuk kanë marrë përgjigje. Faleminderit juve, në dorën tuaj jemi”, tha Idrizi në një lidhje me skype.
(F.GJ/FAXWEB.AL)
Discussion about this post