Bashkim Kadriu, një mjek shqiptar në SHBA në një intervistë për emisionin “Pasdite me Xhaxhiun”, foli për shëndetin mendor dhe problemet që krijohen nga qëndrimi brenda në karantinë nga koronavirusi.
Kadriu tha se është mirë që në kushte të karantinës të krijojmë disa mundësi që të merremi me diçka të vlefshme, ndërkohë që këshilloi që të njerëzit të shmangin sa më shumë informacionet e panevojshme.
“Përditshmëria jonë ka ndryshuar, ne po i adpatohemi izolimit. Në këtë kohë kur pandemia ka filluar të përhapet, distanca fizike është shumë e rëndësishme. Fillimisht njerëzit e infektuar me virus janë pas simptoma dhe kjo është mënyra më e ashpër, duke mos e ditur se po e shpërndajnë.
Ne duhet të krijojmë kushtet dhe karantinë, të lexojmë diçka të merremi me diçka argëtuese, të marrim ushqim të balancuar, të largojnë nga dieta gjëra të pashëndetshme. Një fokus i veçantë do të jenë mediat. Mediat janë të fokusuar në promovimin dhe parandalimin e sëmundjes, por tejfokusimi në lajme mund të ketë efekt të dëmshëm në shëndetin mental, pasi aty konsumohen gjëra dhe ta panevojshme që mund të ngjallë panik të jashtëzakonshëm. Duhet të kemi një mënyrë të balancuar sesi u përqasemi me lajmet. Mirë do të ishte të merrni informacione të dorës së parë, siç janë sajtet zyrtare.
Njërzit duhet të afërsojnë, tu qasen burimeve të veta të suportit, familjarëve të tyre, njerëzve që merren me këtë sëmundje. Shoqëria jonë ka një solidaritet të jashtëzakonshëm dhe ne jemi përkujdesur për njëri-tjetrin, por kjo është kohë që secili nga ne mund ta japë kontributin e vet. “- tha Kadriu.
(M.Q/Faxweb.al)
Discussion about this post