Në mbarë botën shifrat ditore të njerëzve që humbin jetën nga CIVID-19 rritet me ritme në frikshme. Në Francë në 24 orët e fundit kanë ndërruar jetë 1417 persona duke e çuar në 10,328 numrin total të vdekjeve në vend raporton ministria e Shëndetësisë.
Në të gjithë Francën, 7091 persona kanë ndërruar jetë në spitale ndërsa mbi 3000 të tjerë nuk kanë marr dot ndihmë atje, por në qëndra të krijuara për të përballuar luftën ndaj koronavirusit. Ndërsa të infektuar janë mbi 100 mijë persona.
Në SHBA numri i viktimave nga Covid-19 është rritur ndjeshëm ku vetëm gjatë 24-orëve të fundit kanë humbur jetën 1,036. Në total numri i viktimave ka shkuar në 11.907.
Ndërkohë brenda ditës kanë rezultuar pozitiv me sëmundjen vdekjeprurëse 13,740 dhe numri i përgjithshëm i të prekurve ka shkuar në 38, 0744. Sipas të dhënave deri më tani janë shëruar mbi 21 mijë persona dhe në gjendje kritike për jetën janë 9.104 pacientë.
Mbi 1.41 milion njerëz janë infektuar me koronavirus në të gjithë botën, ndërsa 81,048 të tjerë kanë vdekur. Italia ka arritur në shifrat e 94.067 të infektuarve dhe mbi 17 mijë numri i viktima, ndërsa Spanja ka pozitivë 140,511 persona, dhe 13,897 viktima.
