Përmes një videoje ku flasin qytetarë të ndryshëm në vend rreth problematikave që po përballen, Lulzim Basha shprehet se në gjithë Shqipërinë vihet re mungesa e ndihmës dhe braktisja nga shteti.
Sipas Bashës, qytetarët janë të përjashtuar nga plani I qeverisë dhe se çdo ditë që kalon është për ta një ditëpa bukë.
“Me mijëra njerëz në të gjithë vendin tregojnë mungesën e ndihmës dhe braktisjen nga shteti. Të përjashtuar nga plani i qeverisë, çdo ditë që kalon, për ta është një ditë pa bukë.
Duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit. Pagesa e mbijetesës për këdo që ka humbur punën nuk mund të vonohet më asnjë ditë!
Qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari. I bëj edhe një herë thirrje të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën! Koha është TANI!?”, shkruan Basha.
(F.GJ/FAXWEB.AL)
Discussion about this post