Deputetët i japin fund nesër karantinës, Kuvendi nxiton që të hapë tender emergjence: Na duhen maska dhe doreza

Ditën e nesërme Kuvendi i Shqipërisë do të mblidhet në seancën plenare, për herë të parë pas pezullimit në kuadër të parandalimit të COVID-19.

Gjatë seancë plenare ditën e nesërme do të votohet për aktet normative të miratuara nga qeveria, si dhe masat e reja shtrënguese si ndryshime në kodin penal, ndërkohë që deputetët do iu nënshtrohen rrespektimit të masave kundër COVID-19.

Për këtë arsye, Kuvendi sot ka hapur tender për “Blerje pajisjesh dhe materialesh në kuadër të parandalimit të përhapjes së virusit COVID-19”.

Në document thuhet se Kuvendi do të blejë 250 copë denzifektantë, xhel për duart, vitaminë E, Aloe Vera, trietsnolaminë e alkoletilik dhe 180 maska.

Po ashtu bëhet me dije dhe afati i konfirmimit të procedurës së prokurimit është 2 orë nga momenti i njoftimit të fituesit. Kriteri bazë ishte çmimi më i ulët që ofrohej nga pjesëmarrëset në garë.