Partia Demokratike i është përgjigjur deklaratave të Ramës, se jemi në luftë dhe qytetarët duhet ta kuptojnë se dhe qeveria ka rënie të të ardhurave, dhe nuk mund të plotësojë kërkesat e të gjithëve.
Përmes Gazment Bardhit, PD deklaron se paratë janë, mjafton që të anulohen koncensionet për klientët preferenciale të Ramës.
Postimi i Bardhit:
Edi Rama nuk mund dhe nuk duhet ti ikë përgjegjësisë si Kryeministër për t’u siguruar shqiptarëve të paktën pagën e mbijetesës.
Për qytetarët nuk ka para, nuk ka ushqim, thotë Edi Rama,- sepse kanë rënë të ardhurat, ndërsa për oligarkët vazhdojnë pagesat dhe nën mbishkrimin sekret kryehet vjedhje e jashtëzakonshme e parave të qytetarëve me tenderat në këtë kohë krize.
Paratë janë. Mjafton të ndalësh korrupsionin me tendera dhe të anullosh koncesionet korruptive. Qytetarët kanë nevojë për mbështetje, jo për propagandë e justifikime bajate.
Discussion about this post