Genardi dhe Sonida Hajdini kanë qenë në një lidhje me Skype me emisionin “Zonë e Lirë”, ku Genardi ka treguar se ka punuar tek ISHP dhe ka treguar se dëshiron të rikthehet sërish në punë atje.
Çani kërkoi për këtë dhe ndërhyrjen e Piperos, ndërsa mjeku shtoi se do e çonte një fjalë te drejtoresha e ISHP-së Albana Fico.
Por nuk mungoi as një pyetje sesa të rrezikuar janë vëllai dhe motra, që mund të preken nga koromavirusi.
“A janë të rrezikuar Genardi dhe Sonida duke qenë se janë pak bullafiq?”, e ka pyetur Çani mjekun Pëllumb Pipero, që ishte edhe ai në një lidhje me Skype.
“Prandaj e kemi thënë që mbipesha është një nga faktorët e riskut, kështu që do i këshilloja të respektojnë këshillat e qeverisë dhe tonat. Të hanë më pak dhe të lëvizin brenda shtëpisë”, i ka këshilluar Pipero dy vëllezërit.
Çani kërkoi ndihmë nga biznesmenë të ndryshëm që të siguronin një pistë vrapimin për Genardin dhe Sonidën, që të kenë mundësi të ushtrohen sadopak në kushte shtëpie, pasi nuk kanë mundësi financiare që ta blejnë vetë.
(E.K/Faxweb.al)
Discussion about this post