Një pacient mbartës i koronavirusit mësohet se ka ndërruar jetë pak minuta më parë në spitalin Infektiv në Tiranë ndërsa mësohet se shkak i vdekjes së tij nuk është Covid-19.
Pacienti 69-vjeçar nga Shkodra që ka ndërruar jetë në spitalin infektiv, ka humbur jetën si pasojë e sëmundjes hemoragjisë cerebrale (aksidentit vascular hemoragjik).
Mësohet se bëhet fjalë për një 69-vjeçari cili ishte sjellë në Tiranë nga qyteti i Shkodrës në gjendje të rëndë ndërsa kishte edhe sëmundje të tjera bashkëshoqëruese.
69-vjeçari ishte prej 13 vitesh me tumor në kokë dhe kishte kryer 3 ndërhyrje. Ai gjithashtu kishte hemorragji cerebrale dhe ishte në gjendje të rëndë në koma.
Sipas Spitalit Infektiv, 69-vjeçari nuk ka ndërruar jetë si pasojë e COVID-19, pasi ishte bartës i virusit, por pa shenja të sëmundjes, (asimptomatik) dhe ka ndërruar jetë si pasojë e hemoragjisë cerebrale.
“Ministria e Shëndetësisë i shpreh ngushëllime familjes së të ndjerit dhe informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare“, shkruhet në reagimin e ministrisë.
(F.GJ/FAXWEB.AL)
Discussion about this post