Ndaj disa banorëve të Unazës së Re janë ngritur disa akuza për shkelje të urdhërave të policisë, kundërshtim i efektivëve dhe protesta të dhunshme.
Avoktati Artan Manushaqe tha në një lidhje me skype për Fax News se çështja në fjalë është në kundërshtim me ligjin ndërsa ju është referuar edhe shembujve konkret mbi sjelljen e organit të akuzës me protestues të ngjashëm
“Akuzat për 10 banorët janë ngritur në mënyrë të përsëritur, për bllokimin e rrugës. Edhe vetë prokurorët më parë i kanë hedhur poshtë disa akuza të policisë që nuk janë njohës të fushës. Oficeri i Policisë Gjyqësore pa asnjë lloj njohurie dhe ekperience merr plotëson disa letra dhe ua çon prokurorëve. Nuk është zbatuar ligji, vetëm në mënyrë të njëanshme. Është provuar qartë, protesta është e ligjshme, nuk përbën vepër penale. Kur ka mbarëvajtje nga Policia ajo quhet e ligjshme. Konventa Europiane e të Drejtave të Njeriut, në 2007 për Poloninë, në një rast protestuesi konsiderohet si viktimë, sepse ka një arsye pse ka dalë aty. Ata e kanë theksuar se nuk ka akt penal për protestat. Këta i çojnë në prokurori dhe nga pikëpamja ligjore dhe e së drejtës janë shkelur ligjet. Kjo gjë është e thjeshtë pse ka ardhur, nuk na përfaqësojnë institucionet, as gjykatat as qeveria. Komisioni i Venecias e ka thënë qartë për marrjen e të gjitha pushteteve, shikoni parlamentin, të gjithë memecë janë. Kontrolli gjyqësor, pse s’po e bëjnë Gjykatën Kushtetuese, sepse ky do ti kontrollojë të gjitha pushtetet. Në periudhën e karantinimit janë shkelur edhe të drejtat e mbrojtjes, avokatët nuk mbrojnë dot klientët që janë ndëshkuar për shkak të shkeljes së masave. Është autoritare kategorikisht, këto institucione nuk përfaqësojnë më shqiptarët. Mos të kujtojë Edi Rama se do të trembë banorët e Unazës së Re dhe mua, kauzat e drejta gjithnjë fitojnë”, tha Manushaqe.
Discussion about this post