KukësiTV është një faqe në facebook që përcjellë lajmet e ditës për qytetin në veri të vendit por jo vetëm, ndërsa video e mëposhtme po bëhet virale në rrjet për shkak se të kujton kohën kur kanali shtetëror në regjimin komunist përcillte zhvillimet e ditës.
Kronika flet për situatën nëpër të cilën po kalon vendi, ndërkohë që kryefjalë e saj janë dy gjëra, kryeministri Edi Rama dhe ata që kundërshtojnë masat e tij.
Për të parin, lexuesja e kronikës shprehet se askush më shumë se ai nuk e ka bërë më të rëndësishme Shqipërinë në syrin e ndërkombëtarëve për shkak se është një menaxhues i shkëlqyer i situatave emergjente. Për të dytët thotë se janë pijanecë,
“Pandemia e koronavuirusit ka prekur edhe Shqipërinë, por falë masave të shpejta të ndërmarra nga qeveria dhe angazhimit personal të kryeministrit Edi Rama, ky është një fakt që askush nuk e mohon dhe që merret shembull nga ndërkombëtarët.
Kundër këtyre masave vajtojnë vetëm ziliqarët, pijanecët, hajdutët, kriminelët, frekuentuesit e pabeve. Edhe pse me këto të drejta kërkojnë të bëhen subjekt kriminal të shëndetit të shqiptarëve. Keta njerez sikur të kishte me shumë viktima dhe kolaps në spitale do dilnin në rrugë, sot protestojnë për masat e marra. Kush është më i interesuar se kryeministri Edi Rama që Shqipëria të hapet, të dalë nga izolimi, të kthehet si më parë? Askush si ai. Edi Rama do që arka e shtetit të mos zbrazet. Mirënjohje për qeverinë dhe kryeministrin dhe qeverinë që u lidh me popullin dhe hallet e tij.
Si asnjëherë tjetër shqiptarët nga jugu në veri shqiptarët nuk ishin më të bashkuar me njëri-tjetrin, si me tërmetin dhe pandeminë, jo kurrë kaq të dashur me qeverinë dhe vetë qeveria pranë qytetarëve. Vetëm rej faktit se po i menaxhon mirë, sot Shqipëria shihet me respect nga ndërkombëtarët dhe qytetarët si një rracë e veccantë që i kanë dyert e BE-së të hapura. Shqiptarët e bashkuar po fitojnë ndër të parët nëkëtë luftë mbare botërore”, thotë KukësiTV.
(F.GJ/FAXWEB.AL)
Discussion about this post