Ish-drejtori i Institutit të Shëndetit Publik Besnik Jakaj gjatë një lidhje me Skype për emisionin “ Pasdite me Xhaxhiun” në Fax News foli mbi situatën pandemike që po kalon Shqipëria si pasojë e koronavirusit në vend.
Ai tha se një situatë të ngjashme e kishte paralajmëruar pak muaj më parë nëpërmejt një reagimi duke lënë të kuptohet për masa jo të mira nga qeveria. Jakaj përsëriti një ide të tij për ti ardhur në ndihmë kësaj situate ku tha se nuk ishte marrë parasysh, fjala ishte për rolin e duhur të mjekut të familjes në këtë situatë.
Sipas tij “nga mjeku i familjes duhet të fillojnë të gjitha vizitat mjekësore dhe jo të shkohet direkt në urgjencë.
Urgjenca mjekësore nuk ka kapicitet që të përballojë flukse në shkallë kombëtare.
Jakaj tha ndër të tjera “se kjo gjë nuk duhet politizuar dhe kjo gjë tu lihet në dorë eksperteve”. Si pikë kyçe në këtë situatë ai përmendi rritjen e numrit të testimeve si gjëja parësore që duhet bërë. Lidhur me masat e marra nga qeveria ish- kreut të ISHP-së i duken paradoksale teksa përmend flukset dhe rradhët e gjata në markete dhe nga ana tjetër izolim total nëpër shtëpia.
https://www.facebook.com/faxnews.all/videos/169776630935922/?t=286
Discussion about this post