Analisti Fitim Zekthi i ftuar në studion e “Pasdite me Xhaxhiun” në Fax News ka komentuar situatën pandemike në Shqipëri të parë nga një këndvështrim tjetër, atë politik.
Sipas tij që nga dita kur OBSH shpalli pandeminë globale Rama filloi të marrë masat që të shpëtojë veten politikisht dhe të dalë sa më i fituar. Zekthi tha se “Rama bëri shumë gabim me deklaratën për numrin që do të humbnin jetën nga koronaviruis. Nuk e ka ai këtë tagër që të japë shifra të tilla pasi as nuk dihet me çfarë metodologjie kanë dalë këto llogari”.
Analisti tha se “situata pandemike do pasohet nga një krizë politike dhe Rama ka punuar që nga dita e parë e pandmemisë për të dalë sa më i fituar. Pandemia në thelb nxori në pah situatën në Shqipëri nga qeveria Rama, duke përmendur problemet me buxhetin”.
Në lidhje me qëndrimin e Presidentit Meta në marrëdhëniet me mazhorancën Zekthi mendon se kjo gjë do i “hajë kokën” Metës, teksa kujton kohën e çadrës për dy qendrimet e Metës.
Ky reagim i analistit vjen pas debatit që plasi pas miratimit me bekimin e Metës të ndryshimeve në kodin penal.
Një mendim ai ka edhe për qëndrimin e opozitës në këtë kohë pandmie kur tha se “opozita ka bërë shumë denoncime dhe se lideri i saj ka qenë shumë i përmbajtshëm pasi nuk mund të bësh politike dite por të flasësh në lidhje më situatën pandemike duke bërë propozime të ndryshme”.
https://www.facebook.com/faxnews.all/videos/595464037992004/?t=1336
Discussion about this post