Të tjera raste janë shënuar me COVID-19 në kryeqytet. Burime për Fax News bëjnë të ditur se 3 punëtore të një fasonerie në Tiranë rezultojnë me Covid 19.
Punëtorëve iu morën tamponët dhe rezultuan pozitiv me Covid 19, ndërsa lajmi ka shkaktuar frikë te punonjësit e tjerë të biznesit, që për redaksinë është një emër i ditur. Pas konfirmit të tre rasteve u morën tamponet edhe për 15 punëtore të tjera të fasonerisë, ndërsa nuk kanë dalë ende rezultatet e tyre.
Fillimisht u konfirmua pozitive edhe përgjegjësja e fasonerisë, ndërkohë që mësohet se fasoneria ka ndërprerë aktivitein për disa ditë, sa e gjithë situata të qartësohet.
Nga punëtorë të ndryshëm të fasonerisë, mësohet se kanë thënë se janë infektuar gjatë transportit, pasi në furgona lëvizinin mbi 20 veta, dhe në ambientet e punës masat ishin marrë.
“Ne fasoneri u morën masat dhe u ruajtën distancat. Besoj u infektuam gjatë transportit, pasi në furgona lëviznim mbi 20 vetë. Në procesin e prodhimit ruhej distanca. Pronarët morën masa për respektimin e kushteve. Respektohej higjena dhe distanca. Nuk u siguruan kushtet për transportin, dhe mendojmë se aty kanë ndodhur dhe infektimet”- thanë burimet për Faxweb.al.
Fasoneritë tashmë janë kthyer në vatra të përhapjes së koronavirusit, ndërkohë që në qytetin e Krujës disa prej tyre janë mbyllur pasi raportuan një numër të lartë të personave të infektuar. Prej kohësh opozita ka kërkuar mbylljen e këtij sektori dhe mbulimin financiar nga shteti./Faxweb.al
Discussion about this post