‘Bashkia e Beratit na ka mbajtur në të zezë’, qindra tregtarë kërkojnë pagën e luftës

Gjendja në vendin tonë është e rënduar prej koronavirusit. Rastet me të infektuar janë shtuar nga dita në ditë.

E teksa thirrjet për të qëndruar në shtëpi vazhdojnë shumë shqiptarë kanë pak kursime mënjanë për të kaluar këtë periudhë të vështirë. Kurse gjatë ditës së sotme tregtarët e ‘Tregut Industrial’ janë ngrirur të protestë para Bashkisë së Beratit.

Ata kërkojnë ‘pagën e luftës’, pasi nuk kanë si të mbajnë frymën gjallë, pasi janë në hall për bukën e gojës. Këta tregtarë thonë se askush nuk u ka kthyer përgjigje dhe nuk e dinë se si do të shkojë halli i tyre. Këta tregtarë kërkojnë edhe që tregu të hapet sepse nuk kanë si të nxjerrin bukën e gojës ndryshe.

“Bashkia e Beratit na ka mbajtur në zezë, dhe asnjë nga ne nuk ka përfituar. I kemi paguar të gjitha taksat Bashkisë, të na japin një zgjidhje, se nuk kemi çfarë të bëjmë”, shprehet tregtari.