Aktorja Zamira Kita ka folur për periudhën e pándemisë që po e kalon në shtëpi, ndërkohë që shfaqjet janë pezulluar për të ndaluar përhapjen e sëmundjes. Në momentin që do të marrë fund e gjithë situata, Kita u shpreh se gjëja e parë që do të bëjë është një udhëtim drejt Greqisë.
Duke folur për emisionin “Pasdite me Xhaxhiun”, Kita tha: “Nëse do të ketë të bëjë me pjesën time personale, do të iki tek motra në Selanik. Më ka marrë malli për të, për të qëndruar me të, tek ballkoni i saj dhe të pi një kafe. Nëse ka të bëjë me teatrin, dua të vij në Tiranë dhe të shfaqim Kopshtin e Qershive.”
Pavarësisht situatës, ajo dhe disa aktorë të tjerë kanë menduar një mënyrë që ti dhurojnë shfaqje publikut duke nisur me një poezi. “I lamë të gënjeshtrat” titullohet parodia që krijuan dhe u shpërnda kudo në mënyrë virtuale.
“Filluam me një poezi dhe do të ishte mirë të ishte e mirë në çdo moment. Më pas vazhduam me grimca humoristike, me skeçe dhe më pas tek parodia. Ka qenë ideja e Guri Koços për të realizuar këtë parodi dhe të angazhoheshin aktorët e teatrit të Korçës”, u shpreh Kita duke thënë se teatrot në të gjithë Shqipërinë kanë gjetur metodat e tyre për ti dhuruar shfaqje publikut.(A.M/Faxweb.al)
Discussion about this post