Në datën 7 mars të këtij viti, në Pallatin e Sportit në Durrës do të zhvillohej ndeshja mes Goga Basket dhe Teuta Basket, ekipe që kryesojnë kampionatin shqiptar të basketbollit.
Ndonëse mendohej të ishte miqësore, situata mori një drejtim tjetër dhe nuk u zhvillua aspak. Sipas Presidentit të Teutës, problemi ishte tek ekipi kundërshtar që blindoi dyert e ambientit ku do të mbahej ndeshja.
Presidenti i Teutës, Arqile Gorea ka zbuluar për emisionin “Ajsberg” në Fax News arsyen përse ndeshja nuk u mbajt duke thënë: “Ekipi ishte përgatitur seriozisht, këtë e dëshmojnë edhe fakti që u paraqitëm rreth një orë e gjysmë para në pallatin Goga Basket. Aty na u prezantua administrator, djali i Presidentit Ilir Goga, Enea dhe na thotë, Arqile nuk do hyni se kemi urdhër të prerë.
Dyert i kishin blinduar me pòlic për të mos më lënë mua të hyj brenda. Mu duk e habitshme, nuk kisha asnjë dokument zyrtar, as nga federata, të cilët i kisha paralajmëruar më para që ky njeri mund të krijojë tension. Çoj zv trajnerin, prap qëndrimi ishte i prerë, nuk ke për të hyrë. Në biseda e sipër, shfaqet komisari dhe thotë kjo nuk shkon, si mund të ndalohet presidenti i një ekipi. E menduam si zgjidhje më të drejtë të largohemi që ti japim shanse federatës të korrigjojë dhe të marrë masat për të zhvilluar ndeshjen edhe në një ambient tjetër.”(A.M/Faxweb.al)
Discussion about this post