Kreu i Partisë Demokratike Lulzim Basha ishte i ftuar në emisionin “Aktualitet” në Fax News, me gazetarin Bejdo Malo ku tha se grupi të cilëve ju shërben kryeministri Edi Rama ndahet në dy pjesë.
“Ramavirusi po gërryen mirëqënien shqiptare, nga raporti i BERZH jemi më të varfërit nga të gjitha vendet e rajonit sepse ka rritur taksat, faturat. Ka çuar lekët për fasadë, dhe një rrugë tjetër është tek një tufë oligarkësh. Vetëm tek afera e Unazës së re ka dhënë aq para sa ju ka dhënë të gjithë qytetarëve shqiptar. Ai ju shërben një grushti njerëzish dhe ndërtuar në një parim të thjeshtë, zhvatjes së pasurisë së shqiptarëve për t’jua dhënë një kategorie që ndahet në dy pjesë, një grup oligarkësh dhe një grup kriminelësh”.
Basha tha për Fax News se sot Shqipëria është kthyer në një plaçkë private për 15 persona ndërsa pohoi se propaganda e ramës ka marrë dy goditje definitive.
“Sot Shqipëria është kthyer në një plaçkë private për 15 njerëz dhe të gjithë të tjerët janë detyruar të paguajnë haraçin në këtë çiflig. Propaganda e tij ka marrë dy goditje vdekjeprurëse, e para është tërmeti, ku nuk kishte kazma e lopata. E dyta është pandemia që ka nxjerrë haptazi babëzinë e Edi Ramës, jemi i vetmi vend në botë që qeveria e ka mendjen të vjedhi dhe të mashtrojë”, tha Basha.
(F.GJ/FAXWEB.AL)
Discussion about this post