Pándemia e korònavirusit nuk do të ndikojë vetëm këtë sezon veror tek turizmi. Një përgjegjës i udhëtimeve në Australi ka paralajmëruar se pushuesit duhet të presin të paktën tre vite që udhëtimi ndërkombëtar ti kthehet normalitetit. Industria e turizmit është më e gòditura nga pándemia dhe Australia, njësoj si të gjitha shtetet e botës ka mbyllur kufijtë që prej 19 marsit për të shmangur përhapjen e sèmundjes.
Çdo person që kthehet nga një vend tjetër duhet të karantinohet në një hotel për dy javë, duke përjashtuar në mënyrë efektive çdo pushim jashtë vendit. Alexandre de Juniac, shefi ekzekutiv i Shoqatës Ndërkombëtare të Transportit Ajror, shpresonte se situata mund të përmirësohej dhe izolimit ti vinte fundi, por tani beson se rimëkëmbja do të zgjasë shumë më tepër sesa pritej. Duke folur për Abc News Breakfast, paralajmëroi se industria nuk do të rikuperohet plotësisht deri në vitin 2023, prandaj udhëtimet jashtë vendit mund të pezullohen deri atë kohë.
“Ajo çfarë ne kemi planifikuar për të rifilluar industrinë është rihapja e tregjeve të brendshme, pastaj tregjeve rajonale kontinentale, të tilla si Azia-Paqësori, ose Evropa, ose Amerika e Veriut. Vendi nga ku bëhen udhëtime duhet të jetë i sigurt për procedurat e vendosura në aeroportin e nisjes. Dhe udhëtarët do të kenë nevojë për sigurimin e masave të zakonshme”, tha Juniac.
Kryetari i Përgjithshëm i Mjekësisë së Australisë Profesori Brendan Murphy gjithashtu ka përjashtuar mundësinë e udhëtimit ndërkombëtar për një të ardhme të parashikueshme pasi nuk ka një protokoll të qartë për të rihapur kufijtë e kombit. Ai tha të mërkurën se mbylljet e kufijve mbetën thelbësore për të mposhtur pándeminë.(A.M/Faxweb.al)
Discussion about this post