Vendimi për Teatrin, kjo është ambasada e parë e rëndësishme që del kundër Veliajt

Vendimi i Erion Veliajt për të shembur Teatrin Kombëtar, pavarësisht qendrimeve të artistëve, ka sjellë reagime të shumta edhe ndërkombëtare.

Por gjatë mesditës ka ardhur edhe reagimi i parë nga trupi diplomatik në Tiranë, ku ka qenë ambasada britanike, që përmes një postimi në Twitter, shkruan se mbështet thirrjet për dialog mes palëve të përfshira në përballjen për Teatrin Kombëtar.

‘Dialogu asnjëherë nuk është i dëmshëm’, shkruan Ambasada Britanike në Tiranë, duke ripostuar dhe qendrimin e Komisioneres për Kulturën në Bashkimin Europian.

Mesazhi i plotë i ambasadës: Ne përkrahim thirrjen e komisionarit evropian Gabriel për dialog dhe të gjithë personat e përfshirë duhet të lejojnë kohë e hapësirë që kjo të ndodhë në mënyrë kuptimplotë. Dialogu nuk shkon kurrë dëm, sidomos në këto kohë të trazuara.