Fatjona Dhimitri është ankuar në seancën e sotme parlamentare se ndryshimet në kryesinë e komisioneve janë të paligjshme. Deputetja u shpreh se po shkarkohet nuk po zëvendësohet ndërsa kryetari i Kuvendit Ruci i tha se kërkesa për zëvendësim erdhi pikërisht nga grupi i saj parlamentar dhe është problem i tij dhe jo i seancës.
“Keni vendosur në rend dite ndryshimin e Kryesive të Komisioneve të Kuvendit.
Po më bëni shkarkimin dhe jo zëvendësimin. Nuk mund t’i mbyllet goja së vërtetës. Shihni rregulloren dhe bëni këto lloj shkarkimesh e jo zëvendësimesh”, tha Dhimitri.
Ndërsa Ruci iu përgjigj duke i thëmë: “Ka ardhur një kërkesë nga grupi juaj parlamentar. Është e drejtë ekskluzive e juaja si grup kush do jetë dhe kush do vendoset. Kërkesa është që Halil Jakimi ju zë vendin. Problemet e grupit tuaj mos i sillni në seancë.”.
Deputeti i opozitës, Halit Valteri shtoi se Dhimitri duhet të zëvendesohet vetëm me Halil Jakimin dhe me askënd tjetër.
“Kur lexoni kërkesat lexojini deri në fund. Nëse doni të mbani gjithë komisionet ndajini grupin tjetër në 7-8 veta. Por kryetar vendosni Halil Jakimin jo këta që s’dinë çfarë janë”, shtoi Valteri. Ndërkohë është vendosur që deputeti Ramazan Gjuzi të zëvendësojë Dhimitrin.(A.M/Faxweb.al)
Discussion about this post