Aleanca për Mbrojtjen e Teatrit ka vijuar edhe sot turin e takimeve dhe mbledhjen e firmave në kuadër të peticionit për rindërtimin e godinës së Teatrit kombëtar aty ku ishte dhe siç ishte.
Pas Kukësit, Shkodrës dhe Matit, Lezha është ndalesa e radhës e AMT në rajonin e veriut ndërsa kanë parlajmëruar turin e tyre në gjithë vendin dhe finalizimin e me një protestë mbarëkombëtare në Tiranë.
Reagjisori Robert Budina deklaroi nga Lezha se AMT ka mbërritur në këtë qytet për të lidhur Besëlidhjen nëpërmjet peticioni, ndërsa paralajmëroi se do ketë një manifestim gjigand në Tiranë pasi të ketë mbaruar ky tur.
“Kemi ardhur të lidhim Besëlidhjen. Të lidhim besën me atë peticionin dhe të organizojmë më pas një manifestim gjigand dhe të ngulim në sheshin e Teatrit Kombëtar flamurin kombëtar. Që ai kryeministri e hodhi gjatë shembjes. Demokracia është një maratonë e gjatë dhe duhet të luftojmë, të ndërtojmë institucionin e rezistencës që e bëmë në 2 vite e gjysëm”, pohoi Budina në nisje të takimit.
Discussion about this post