QSUT kthehet në vatër të rrèzikshme të Còvid 19, sa raste të reja u zbuluan në radhët e personelit mjekësor

Janë zbuluar dhe 12 raste të reja me Còvid 19 në radhët e personelit mjekësor në QSUT, zinxhir i rasteve që u konfirmuan edhe dje nga ana e ministrisë së Shëndetësisë. Po ashtu janë edhe 8 pacientë po në QSUT të konfirmuar pozitiv me koronavirus.

Rastet e reja i përkasin repartit të sëmundjeve të brendshme në QSUT, ku që prej të hënës u janë bërë tamponet të gjithë stafit, dhe ditë pas dite po dalin raste të reja. Virusi është përhapur nga një infermiere, e cila ka rezultuar pozitive ditën e hënë, dhe më pas është shtruar në spitalin Infektiv.

Gjatë ditës së djeshme në vendin tonë u raportuan 21 raste të reja me Covid 19 në vendin tonë, të gjitha në Tiranë, nga të cilat 13 ishin në QSUT, mjek, infermierë dhe pacientë. Nga këta 13 raste të reja, 4 prej tyre u shtruan në spital, duke e çuar numrin total të të shtruarve në 25.

Pritet që rastet e reja të konfimohen pas pak minutash në deklaratën e përditshme të Ministrisë së Shëndetësisë. Shumica e rasteve të reja në javën e fundit kanë qenë të përqendruara vetëm në Tiranë.