Pas një greve disa ditore, punëtorët shqiptarë në Greqi fitojnë ‘betejën’ me punëdhënësit e shtetit fqinj

Nga Shpëtim Zinxhirija

Shqiptarët të bashkuar qendruan për një javë në grevë ne sheshin e fshatit për ngritjen e pagës dhe të sigurimeve shoqërore dhe më në fund fituan. Këtë e konfirmoi sot kryetari i Shoqatës se Emigrantëve Shqiptarë në Greqi z. Arben Cani. ( i cili ishte në grevën e tyre)

Ata mbajtën fjalën e tyre se nuk do të shkonin në punë pa marrë 30 euro në ditë dhe këmbëngulja e tyre dha rezultat edhe pse nga bashkia vendase u tentua per tre dite te thyej kjo greve duke sjellur punëtorë nga qyteti i Verias.

Ishte sheshi i fshatit që i bashkojë ata të gjithë burra gra dhe fëmijë në kërkim të të drejtave të tyre dhe fituan.

Mbi 70 familje jetojnë në këtë fshat që nga 1990 dhe puna e tyre kryesore është bujqësia. Ata u hodhën në grevë se vetëm kështu mund të fitohet dhe fituan.

Nga 22 euro që ishte paga ditore sot pas grevës marrin 30 euro. Nëse sigurimet shoqerore paguheshin nga shqiptarët sot paguhen nga punëdhënësit, ku bëhej fjalë për një shumë prej 1000 euro. Pra në këtë botë asgjë nuk dhurohet por fitohet.

Për nga historia ishte një nga grevat e para që bëheshin në këtë vend, ku të vetëm pa asnjë përkrahje nga shoqatat e tjera fituan.

Një grevë që u pasqyrua gjatë edhe në televizionin TRIBUNA në Athinë. Por një problem mbetet për ata qe kanë ardhur pas marrëveshjes që pati Rama me Misotaqin ku ende nuk dihet se kush do te paguaje siguracionet apo sherbimet shendetësore, pasi keta te fundit kanë ardhur me vize turistike.

Deri më sot pronarët kërkojnë që sigurimet shoqerore të paguhen nga “turistat” shqiptarë, që erdhën për të punuar tokat në Greqi.