Mentaliteti ‘të të qëllojmë në fillim, pastaj bëj pyetjet’ duket i gjallë dhe shumë i vërtetë në mesin e policëve në Amerikë. Shembulli i fundit erdhi gjatë protestave për vdekjen e George Floyd në Kentucky, ku policia gjuajti plumba gome dhe me spec djegës ndaj një ekipi televiziv lajmesh.
Reporterja e WAVE 3 News Kaitlin Rust dhe ekipi i saj po transmetonin drejtpërdrejt nga skena e demonstratave në qendër të qytetit Louisville, kur një oficer i veshur me veshje për protestat befas shkrepi një breshëri plumbash gome ndaj gazetares.
“Po më qëllojnë” degjohet reporterja duke bërtitur në shok pasi u godit nga një breshëri jo vdekjeprurëse plumbash. Mbulimi me pamje tregon kolegët e tronditur të Rustit në studio duke e pyetur nëse është mirë. Ndërsa dëgjohen rënkime reporterja dëgjohet teksa bërtet: Janë plumba gome, janë plumba gome, jam mirë, po qëllojnë dhe plumba me spec djegës “.
Moderatorët në studio pyesin se drejt kujt po qëllonte policia: “Drejt nesh”, përgjigjet Rust. “Direkt tek ne”.
Ekipi në studio dukej i shqetësuar nga fakti që policia gjuajti plumba drejt ekuipazhit të TV. “Natyrisht që ata shohin kamerën!” thotë njëri nga moderatorët në studio.
Një oficer duke përdorur një pushkë të specializuar ajri u pa duke qëlluar plumba jo vdekjeprurëse drejt reporteres dhe ekuipazhit të kamerës gjatë transmetimit.
Plumbat me spec djegës përmbajnë irritues kimikë. Ato përdoren nga agjencitë e zbatimit të ligjit për kontrollin e trazirave dhe shpërndarjen e turmave.
Shumë qytete në të gjithë Shtetet e Bashkuara janë kapur nga demonstrata të dhunshme pas vdekjes së George Floyd. Burri me ngjyre i paarmatosur u vra nga policia në Minneapolis të hënën.
E Premtja ishte nata e dytë e protestave në Louisville. Shtatë persona u qëlluan dhe dy u shtruan në spital në protestat në qytet natën e kaluar, raporton WAVE News.
Ndërsa një 19-vjeccar u vra në Minesota mbrëmjen e kaluar. Trump po bëhet gati të aktivizojë ushtrinë për të ndërhyrë dhe vënë rregull.
Shumë reporterë nga disa qytete në Amerikë shprehen se trazirat po provokohen dhe nga supremacistët e bardhë.
This just happened on live tv. Wow, what a douche bag. pic.twitter.com/dQKheEcCvb
— Christopher Bishop (@ChrisBishopL1C4) May 30, 2020
Discussion about this post