Prej disa ditësh përflitet se aktori i njohur Agron Llakaj do të marrë sërish timonin e “Portokalli” pas ftesës që i kanë bërë drejtuesit e Top Channel. Të gjithë janë në pritje të vendimit final, i cili mesa duket nuk është i vërtetë.
Rikthimi i Agron Llakaj në spektaklin ku shënoi kulmin e karrierës nuk do të ndodhë dhe këtë e ka konfirmuar vetë aktori në një intervistë për Revista “Who”.
“Në përgjithësi e gjithë kjo zhurmnajë që ka më shumë se 24 orë që rrotullohet nëpër portale se “Agron Llakaj rikthehet në ‘Portokalli’!”…,nuk është aspak e vërtetë. “Portokallia” është një faqe e rëndësishme profesionale e imja, por e vendosur në ‘kornizë’ përjetësisht… Mirënjohjen për “Top Channel” e kam te gdhendur me emrin e Dritan Hoxhës, por nuk i përkas asaj rrace njerëzore që po ika unë, mbrapa u bëftë qameti! “Portokallisë” i kam uruar gjithmonë suksesin, si akademia e parë e humorit shqiptar dhe s’do e dëshiroja kurrë një mbyllje, largim dhe aq më pak shkatërrim të saj. “Portokallia” është e “Top Channel” dhe nuk identifikohet me askënd”, u shpreh Llakaj.(A.M/Faxweb.al)
Discussion about this post