Qytetari nga Berati apel qeverisë, kërkoj drejtësi/ Po më vjedhin pronën

Petraq Qafa (Panajoti) prej disa vitesh përcillet nga një zyrë në tjetrën ndërsa kërkon drejtësi dhe të marrë pronën që ka trashëguar nga nëna e tij.

Ai tregon se zotëron të gjitha dokumentat si pronar i ligjshëm i një prone e cila ndodhet në qendër të qytetit të Beratit. Në dokumentat që zotëron është shkruar se në 1931 nëna e tij ka marrë në trashëgimi një pronë, dyqan nga prindërit e saj. Në vitet e diktaturës komuniste kjo pronë i është marrë dhe aty është ndërtuar agjencia e autobuzave.

Në 1990 me ardhjen e demokracisë familja e tij filloi dokumentat për rikthimin e pronës. 1992 i rikthehet kjo pronë ndërsa 1996 komisioni i kthimit të pronave ia njeh dhe i kthen pronën nënës së tij ndërsa fillon procesin e privatizimit të saj. Petraqi pohon se nga 1998 deri 2016 kësaj prone ai i ka marrë qeranë ndërsa figurojnë librezat ujit dhe ajo e energjisë që janë paguar rregullisht.

Ndërsa në 2010 ka filluar procesi i privatizimit të pjesës e cila ishte agjencia e qytetit të Beratit, e njohur nga bashkia Berat. Ndërsa i është paguar edhe 20 përqind në bazë të ligjit të privatizimit. Ndërkohë me zgjedhjet e radhës kreu i bashkisë 2016  me një shkresë të vulosur nga vet ish kryetari Petrit Sinaj ka dhënë në emër të bashkisë me qera këtë pronë  me një vendim të marë nga vet ai.

I gjendur përball një fakti të tillë qytetari Petraq Qafa (Panajoti)është drejtuar gjykatës administrative pasi zotëron dokumentat që kjo pronë është e tij. Ndërsa është në proces gjyqësor, bashkia vijon të japë me qera këtë pronë për kafene ndërkohë që në shkresë thuhet se është dhënë për zyra.

Qytetari Petraq Qafa (Panajoti) shprehet i indinjuar dhe flet për Fax News se kjo është shkelj, së pari posedoj dokumenta që prona është imja, më është njohur në bazë kthimit kompesimit pronave me vendim ndërsa kërkon të ndërpriten gjitha punimet që kryen nga bashkia pasi është në process gjyqësor gjë që do të thotë kur je në process gjyqësor nuk kryhet asnjë veprim.

Qytetrai Petraq Qafa (Panajoti) i bën apel kryeministrit për drejtësi, ai kërkon që prona e prindërve të tij  t’i kthehet pasi i takon atij në bazë gjitha dokumentave që disponon. Ish- kreu i bashkisë sipas tij i ka vjedhur pronën pa të drejtë, unë do ta mbroj shprehet Petraq Qafa me çdo kusht, është prona ime disponoj të gjitha dokumentat e duhura.