Ish- deputeti i Partisë Demokratike Aldo Bumçi i ftuar në Faxnews foli për Reformën Zgjedhore dhe për shumë çështje të tjera aktuale në politikën e vendit.
Lidhur me deklaratën e PPE kundër Ramës ditën e sotme ku PPE i rikujtojë qeverisë 15 kushtet e Bashkimit Europian që duhet të përmbushen në mënyrë qe te çelen negociatat. Bumçi u shpreh se është një presion pozitiv për qeverinë.
“Kjo nuk ishte deklarata e parë por e dyta në në një hark kohorë të shkurtër, sjellin edhe njherë në vëmendje qeverise që rruga për ne BE ëshët një rrugë që kalon në vlera themelore si zgjedhjet dhe shteti i së drejtës. Zgjedhjet lokale dhe parlamentare të bëhen me këtë reformë. Duhet të ngrihet GJykata Kushtetuese dhe të ketë gjykim të zgjedhjeve lokale. Janë 15 kushte të vendosura, të cilat duhet të mbahen nga qeveria që të mbahet konferenca e parë. Është një presion shumë pozitiv që i bëhet qeverisë. Uashingtoni dhe Brukseli janë me një zë të zbatohet dhe miratohet reforma zgjedhore.” u shpreh Bumçi.
Ndërsa sa për Reformën Zgjedhore se sesa bindëse i duket ajo, Bumçi u shpreh se zgjedhjet duhet të jenë sa më të rregullta dhe të ndershme dhe se kjo marrë veshje e zgjidh një pjesë të lojës.
“Reforma zgjedhore ka dy element, zgjedhjet duhet të jenë sa më të rregullta dhe të ndershme, duhet të ndahemi nga zgjedhjet që kemi bërë deri më tani. Marrëveshja zgjidh një pjesë të lojës. dhe elementi i dytë nuk i ndryshon komisionet. Rama propozonte komisione teknike me administrat por administarat është e politizuar e dimë të gjithë” tha Bumçi.
