Qëlloi me çifte bariun pas sherrit për kullotën, policia arreston 22-vjeçarin dhe zbardh ngjarjen

Policia e Delvinës ka bërë të mundur arrestimin e autorit të plagosjes që ndodhi ditën e djeshme më armë gjahu në këtë qytet. Mësohet se në pranga ka rënë 22-vjeçari me inicialet E.m., si dhe u sekuestrua arma e plagosjes si provë materiale. Materialet iu referuan Prokurorisë për veprat penale “Plagosja e lehtë me dashje” dhe “Prodhimi dhe mbajtja pa leje e armëve të gjuetisë dhe sportive”

Postimi i plotë i policisë: Policia vë në pranga autorin e plagosjes së ditës së djeshme. Më datë 26.06.2020, në malin e Cerasë, Delvinë si pasojë e një konlikti për motive të dobëta mbeti i plagosur me armë gjahu 21 vjeçari L.K, i cili ndodhet jashtë rrezikut për jetën.

Menjëherë pas ngjarjes shërbimet policore u vunë në ndjekie të autorit ku falë veprimeve të shpejta hetimore u bë e mundur kapja në qytetin e Delvinës dhe arrestimi i shtetasit E. M., 22 vjeç, banues në Delvinë, si dhe sekuestrimi i armës së gjahut.

Materialet iu referuan Prokurorisë për veprat penale “Plagosja e lehtë me dashje” dhe “Prodhimi dhe mbajtja pa leje e armëve të gjuetisë dhe sportive”