Anëtari i Kryesisë së Partisë Demokratike Eno Bozdo në një intervistë për Faxnews u shpreh në lidhje me propozimin e mazhorancës për të realizuar amnistinë fiskale në Shqipëri. Bozdo shprehet kundër kësaj amnistie të propozuar nga qeveria dhe argumentat e tij ai thekson se i mbështet tek raporti i FMN-së.
Sipas tij amnistia fiskale bëhet për të injektuar në ekonominë shqiptare paratë e pista që vijnë si pasojë e aktivitetit kríminal dhe kultivimit të drógës.
“Kemi një kryeministër që flet me persona nga bota e krímit. Kjo qeveri po e shpik amnistinë fiskale pasi persona të caktuar po i kërkojnë kryeministrit të fusin në sistemin bankar paratë e kànabisit. Është një fenomen shumë shqetësues, paratë e krímit po injektohen në ekonominë reale, kjo ndodh përmes skemës së ndërtimit.
Fondi monetar ndërkombëtar i kerkoi qeverisë të ketë kujdes me amnistinë fiskale si dhe gjithashtu i kërkoi qeverisë të ketë kujdes me PPP pasi niveli i borxhit është shumë i lartë. Është për të vënë duart në kokë kur vetëm një ditë më pas kryeministri hap garën për ndërtimin me konçesion të rrugës Milot-Fier me vlerë marramendës prej 1.2 miliardë euro.”- tha Bozdo për Faxnews.
Discussion about this post