Kreshnik Tushës i është ndryshuar masa e sigurisë duke përfituar nga ‘arrest burg’ në ‘arrest shtëpie’ ndërsa sipas hetimeve është provuar se nuk ka marrë pjesë në ngjarjen e bujshme në Kurbin ku mbetën të vrarë dy biznesmenët, Bujar Lika dhe Paulin Gjergji ndërsa është arrestuar si autor i dyshuar kryesor i ngjarjes Ilir Xhepaj.
Mësohet se Tusha nuk ka përfituar lirinë e plotë për shkak të deklaratave kontradiktore, ndërsa lirimi i tij vjen pas arrestimit të Xhepajt.
Kreshnik Tusha 21-vjeç nga Kurbini ka mbetur i plagosur në ngjarjen e pak ditëve më parë ku mbetën të vdekur dy persona, biznesmenët, Bujar Lika dhe Paulin Gjergji, ndërkohë Fax News ka mësuar se 7 muaj më parë, i riu ka qëlluar më armë në drejtim të banesës së viktimës Lika në Laç, ndërsa babai i Kreshnikut e kishte denoncuar rastin e të birit ku mendohet se i është trembur hakmarrjes, rast për të cilin bëri 6 muaj burg.
Mësohet se Tusha vetëm 3 ditë para se u bë atentati pranë një hoteli në Kurbin kishte dalë nga burgu për shkak të ngjarjes së disa muajve më parë. Burime bëjnë me dije se të nesërmen e atentatit ndaj biznesmenëve në shtëpinë e Tushës janë gjetur disa gëzhoja.
Të dhënat e nxjerra deri më tani nga dëshmitë por edhe nga puna e grupit hetimor, provojnë se Tusha është plagosur në afërsi të banesës së tij, dhe se nuk ka qenë në vendin e ngjarjes ku u vranë Lika dhe Gjergji, por akoma nuk kishte një version zyrtar nëse ai është i përfshirë në këtë ngjarje apo jo.
Si autor kryesor për atentatin ndaj Likës dhe Gjergjit është arrestuar Eduart Lamaj dhe Ilir Xhepaj.
(F.GJ/FAXWEB.AL)
Discussion about this post