Damian Gjiknuri u ka nisur email të gjithë anëtarëve të Këshillit Politik email ku u konfirmon pjesëmarrjen në takimin e sotëm në orën 17:00 të kërkuar nga opozita, ditën e djeshme.
Përfaqësuesi i LSI-së, Petrit Vasili në një kthim përgjigje e ka konsideruar si provokim dhe minim të konsensusit të arritur mes palëve për marrëveshjen mbi Reformën Zgjedhore.
“Diskutimi dhe miratimi përfundimtar nsë mbledhjen e këshillit Politik i drafteve të diskutuara por jo të miratuara është normalitet i detyruar. Dërgimi në Kuvend me logjikën e faktit të kryer të projektligjeve që janë pjesë e pikës 11 të marrëveshjes është thjesht një provokim që minon konsensusin dhe dialogon”, thuhet në kthim përgjigjen nisur përfaqësuesit të PS-së, Damian Gjiknuri.
Gjithashtu Vasili i kujton PS se do të jetë përgjegjësja e vetme nëse Këshilli Politik merr vendime të padakordësuara.
Palët u përplasën sërish pas kërkesës së PS-së për një mbledhje ditën e djeshme të KP-së ku do të diskutoheshin ndryshimet kushtetuese të propozuara nga opozita parlamentare. Mirëpo PD-LSI e refuzuan duke u shprehur se ishin të gatshme të takoheshin sot ose nesër për të diskutuar dhe miratuar disa pika të rëna paraprakisht dakord në marrëveshjen e 5 qershorit.
Por pavarësisht kësaj Rama, Gjiknuri, Hajdari dhe Murrizi u mblodhën dje për të diksutuar mbi ndryshimet kushtetuese, për të cilat në fakt kishin rënë dakord që më herët që do t’i votonin në 30 korrik.
Rama i bëri thirrje PD-LSI që të riktheheshin në tavolinën e diskutimeve dhe të mos bënin vetëvrasje politike.
Discussion about this post