Efektivët e “Shiponjave” zbarkojnë për disa muaj në Kukës, cili është misioni i tyre

Nga dita e hënë në Kukës mësohet se do të mbërrijnë policë të forcave Shqiponja.  Sipas informacioneve për Fax News nga Drejtoria e Policisë së Kukësit, do të mbërrijnë 25 efektivë të kësaj strukture të krijuar në Tiranë.

Në fakt kjo është një strukturë që e ka Policia e Tiranës për shkak të madhësisë dhe numrit të krimeve, por kohët e fundit këto forca janë shpërndarë në rrethe.

Nga hëna pranë Drejtorisë së Policisë së Kukësit do zbarkojnë për disa muaj 25 efektivë të forcave ‘Shqiponja’ të cilët do të operojnë në të gjithë qarkun e Kukësit. Objektiv i tyre do të jetë lufta ndaj narkotikëve dhe krime të tjera më të rënda.

Një ndërhyrje e tillë në policinë e qarkut po shihet nga vendasit si një fakt që kjo e fundit ka dështuar në luftën ndaj këtyre krimeve.