Një zjarr i fuqishëm ka prekur periferinë e Tiranës, kryesisht zonën midis Yrrshekut dhe Pezës. Pamjet duken që në rrugët e kryeqytetit teksa tymi duket sikur pushton qiellin. Nuk dihet ende nëse rrezikohen banesa apo nëse forcat zjarrfikëse kanë arritur në vendngjarje për të shuar flakët.
Gjithashtu mbetet e paqartë se si u shkaktua zjarri pasi në një pjesë të madhe të vendit ka pasur raportime për zjarrvënie të qëllimshme nga banorët.
Kujtojmë se në fundjavë, Tirana u përfshi nga reshjet e dendura të shiut, por me përmirësimin e kushteve atmosferike, fenomeni i zjarreve është rikthyer sërish.(A.M/Faxweb.al)
Discussion about this post