Ndërtimi i një guroreje në fshatin Bajkaj në Delvinë ka nxitur një përplasje mes banorëve dhe përfaqësuesve të firmës. Banorët e fshatit janë kundër ndërtimit të gurores sepse sipas tyre ajo do të dëmtojë mjedisin në zonë.
Mësohet se përfaqësuesit e firmës kishin shkuar sot në zonë për të bërë një dëgjesë publike lidhur me lejen e ndërtimit të gurores. Por për këtë dëgjesë mesa duket nuk ishin vënë në dijeni banorët e fshatit por vetëm pronarët e tokës ku do të ndërtohet gurorja.
Me të mbërritur banorët situata është tensionuar dhe ka degraduar edhe në përplasje fizike. Banorët kanë firmosur edhe një peticion drejtuar kryeministrit, ministrive të Infrastrukturës e Mjedisit dhe bashkisë Delvinë duke i kërkuar që të anulojë lejen për guroren që është planifikuar.
“Më thanë se do të bëhet një gurore. Këtu janë për tu bërë dy gurore. Ne nuk do të lejojmë askënd dhe kemi bërë shkersa që ta heqin. Duan të bëj dhe një denoncim tjetër. Do ta djegim nëse nuk vënë dorë sepse po qelbemi. Kemi një javë që nuk rrimë do të shtëpi. Na aerdhi landfilli si të ishte tortë. Jam shumë i irrituar, kam tre fëmijë, do të vdes për ata fëmijë. Jo Papajanët të jenë, apo bir kur*e të jenë këtu, kam tre fëmijë dhe të vijë Papajani ti vdesë me landfillin me ca mu*ër nuk jam dakord” tha kryeplaku.
“Nuk kemi ardhur as për sherr as për shamatë, këtu i kemi fushat me mandarinë. Këtu nuk sjellim dot një të vdekur, se do të bëhet pluhur. Ka rregulla. Kemi mbi 50 vjet këtu, ju lutem na ndihmoni sepse këta bëjnë lojëra të pista. Nëse bëhet gurorja duhet të arratisemi të ikim.
Unë kam një bujtinë këtu, kam 7 turistë polakë, por nëse bëhet kjo, ata nuk ka shans të vijnë për herë të dytë. Ne kemi fëmijët për t’i rritur dhe jo për t’i zhdukur” thanë më tej banorët të irrituar.
