Presidenti Meta ka zhvilluar ditën e sotme një takim me Presidentin e Zyrës së Lartë të Auditimit të Republikës Çeke, Miloslav.
Meta vlerësoi marrëdhëniet shumë të mira mes dy vendeve dhe duke iu referuar ecurinë pozitive të bashkëpunimit në vitet e fundit. Po ashtu ai theksoi se eksperienca çeke në fushën e kontrollit dhe auditimit, veçanërisht për çështjet evropiane është shumë e rëndësishme për institucionet shqiptare.
Duke vlerësuar ekspertizën dhe programet e trajnimit të Zyrës së Lartë të Auditimit të Republikës Çeke për institucionin shqiptar të auditimit, KLSH-në, Presidenti Meta, tha se ato do të kenë një impakt pozitiv në përmirësimin e punës së institucioneve shtetërore dhe të administrimit të pasurisë publike, konform standardeve më të mira evropiane të transparencës.
(S.SH/Shuplaka)
