Zëvëndëskryeministrja Seida Mesi ka deklaruar se do ta kundërshtoj kryeministrin Edi Rama nëse gjithmonë qëllimi kryesor i saj edhe i Ramës do të jetë zhvillimi i vendit.
“Unë e kam bërë dhe e kam bërë edhe publikisht, e kam provuar. Kontrolloni edhe Facebook-un tim. Unë e kam bërë dhe do vazhdoj ta kundërshtoj nëse gjithmonë qëllimi kryesor i imi edhe i Ramës do të jetë zhvillimi i vendit, i qytetit dhe i Shkodrës”, u shpreh Mesi. Theksojmë që këtë intervistë Seida Mesi e ka dhënë para zgjedhjeve të 25 qershorit në “Opinion” të Blendi Fevziut.
Gjatë kësaj interviste ajo ka treguar pse braktisi profesionin e saj si ekonomiste për t’ju futur politikës. “Unë vij nga një ekprerince e gjatë në sistemin bankar. Kam qenë ekonomiste, financiere. Nuk e kam braktisur sot, nuk e kam braktisur dje. Kam dy vite që kam braktisur sistemin bankar dhe kam dy vite anëtare e Këshillit Bashkiak në Shkodër. Është hera e dytë që jam marrë me fushatë.
Zgjodha Partinë Socialiste pasi është kjo parti më përngjan me tepër me prirjet e mia. Prirjet mia qoftë ekonomike janë për nje hendek të ngushtë. Mendoj për një hendek më të ngushtë midis të pasurve dhe të varfërve. Mendoj për një shtet social që të ndihmoj të varfërit. Më pëlqen modeli i politikanit që ka një lidership”, u shpreh ajo.
Mesi u zgjodh dje nga kryeministri Rama si zëvëndëskryeministe, një post ky për 4 vitet e ardhshme. Ajo u zgjodh edhe si deputete në Shkodër në zgjedhjet e 25 qershorit, e treta në listë nga PS. (J.V/Shuplaka)
