Zëvendës ministri i Infrastrukturës, Artan Shkreli është pyetur mbrëmjen e sotme nëse do të ketë përgjegjës dhe ndjekje penale për përsona që kanë përgjegjësi për ndërtesat që nuk arritën të përballojnë tëmretin e datës 26 Nëntor.
Shkreli tha në “Opinion” tha se kjo është një punë e prokurorisë, ndërsa theksoi se Instituti i Ndërtimit është i detyruar në prani të oficerit të policisë gjyqësore të marrë prova
“Nuk di nga ta fillosh. Prokuroria në këto momente, pasi kaloi trauma, filloi të interesohej për marrjen e provave sidomos në objekte që kishte viktima. Këto objekte u shkatërruan pasi u morën prova, Instituti i Ndërtimit është i detyruar në prani të oficerit të policisë gjyqësore të marrë prova. Prova janë të natyrës materiale, kampione të betonit, si janë vënë hekurat aty, etj”, tha zëvendës ministri i Infrastrukturës.
I pyetur për ato ndërtime që janë pa leje dhe që nuk ka një projekt ai deklaroi: Kompania nuk është fantazim, banorët e dinë kush e ka bërë. Do pyetet administratori lokal, në rastin kur është bërë me kompani të ndryshme. Ndërtimet pa leje shprehin mënyrën e tranzicionit që ka bërë Shqipëria, si në politikë ashtu dhe në infrastrukturë, vijoi ai.
(F.GJ/FAXWEB.AL)
