Në takimin e sotëm me krerët e partive parlamentare aleate, kreu i PD-së Lulzim Basha ka njoftuar se Rama është tërhequr nga paketa “McAllister”.
Në një moment kur pritej se më në fund do kishte një marrëveshje mes palëve dhe protestave të opozitës do t’u vinte fundi, një tjetër çështje për të cilën aleatët kanë diskutuar është pikërisht se çfarë do të ndodhë me çadrën.
Në takimin e tretë për sot mes Bashës me aleatët, është rënë dakord që të vijojë protesta në çadër.
Takimi mes aleatëve nisi në orën 21:00 dhe zgjati rreth 50 minuta. Në takimin një ditë më parë, zyrtari amerikan Brian Hoyt Yee, i la vetëm 24 orë afat kryetarit të PD-së për të vendosur përfundimisht mbi paketën e bazuar në propozimet e McAllister. Por mesa duket edhe njëherë tjetër negociatat dështuan. (D.D/Shuplaka)
