Presidenti Ilir Meta në një konferencë për mediat dhënë ditën e sotme, ritheksoi zgjidhjen e tij për krizën politike, duke mbajtur tre palë zgjedhje në Tetor.
I pyetur nga gazetarët në rast se zgjidhja mes forcave politike nënkupton tejkalimin e 13 Tetorit, Meta tha se kjo do të ishte e pamoralshme.
Mund të kemi një dekret të ri nga shtatori për zgjedhjet lokale, dhe nëse arrihet një tjetër kompromis qoftë edhe duke e shtyrë 18 Tetorin, a do e pranonit ju këtë?
Meta: Unë mendoj se nëse zgjidhja e krizës do të lihej për në shtator kjo do të tregonte një nivel shumë të lartë papërgjegjshmërie.
Kjo do të ishte e papranueshme dhe e pamoralshme. Në vitin 2001 Shqipëria ka pasur të njëjtin hap integrues me Kroacinë, ne i nënvlerësuam detyrat tona, dhe ai që i paguan pasojat është populli shqiptar.
Unë shpresoj shumë dhe në reflektimin e kryeministrit jam i gatshëm që ta pres, po gjithmonë kjo do të bëhet në mënyrë publike dhe të hapur. Nuk është në interesin e kryeministrit vijimi i kësaj situate.
(E.K/Faxweb.al)
Discussion about this post