Kryeministri Rama në një komunikatë për mediat pasi vizitoi të plagosurit në spitalin e Traumës është shprehur se është e çuditshme pse duhet ta dëgjojë shumë herë shpalljen e emergjencës. Rama tha se shpallja e gjendjes së Emergjencës nuk do të sjell asgjë ndryshe.
Gjithashtu, kryeministri tha të gjithë banorët e prekur nga tërmeti do të ndihmohen dhe do të strehohen.
“Familjet që kanë mbetur pa çati do ti gjendemi në krah, do të ndihmojmë dhe strehojmë. Kjo nuk është çështje ditësh apo javësh, por çështje muajsh. Duhet të rikthejmë njerëzit në shtëpi të reja, të forta dhë duhet solidaritet, durim qetësi. Ky është një rast i mirë, pasi janë bërë shumë “gam gam” dhe jemi mësuar të qahemi e ankohemi, duke harruar se jeta është diçka më ndryshe se kjo. Unë ju sigurojë se njësojë siç vepruam për të gjitha familjet në Korçë dhe Ersekë, do të veprohet edhe me banorët që kanë mbetur pa banesa.”
Pyetje: A do ta shpallni gjendjen e Emergjencës?
Rama: Është e çuditshme që e dëgjojë këtë pyetje nga mëngjesi deri në darkë, nuk e di kush ua jep këtë ide. Shpallja e gjendjes së Emergjencës nuk do të sjell asgjë më ndryshe se kaq sa kemi bërë. Një gjë e sgurisë është se njerëzit do të strehohen.
(K.H/Faxweb.al)
Discussion about this post