Kreu i Grupit Parlamentar të LSI-së Luan Rama ka bërë të ditur se parësore për vendin tonë janë zgjedhjet.
‘’Është e rëndësishme falë bojkotit të opozitës që të bllokohet vendimmarrja në këto komisione. Duhet të zhbllokohet pikë së pari Reforma Zgjedhore dhe pikë së dyti Reforma në Drejtësi’’, ka deklaruar Luan Rama.
Duhet thënë se sipas Kodit Zgjedhor mesnata e ditës së nesërme është dhe afati i fundit ku Partitë mund të regjistrohen në koalicione. Ende nuk ka një zyrtarizim nga ana e Partive dhe pse PS-ja e ka shpehur përherë dëshirën e saj për të qenë bashkë me LSI-në.
I pyetur nga gazetarët nësde do të ketë një marrëveshje me PS-në pasi afati i fundit për koalicionet është nesë kreu i grupit të LSI-së u shpreh se kjo është një çështje dytësore.
Gazetari: A do ta nënshkruani marrëveshjen e re me PS-në?
Luan Rama: Problemi i madh në këtë vend janë zgjedhje, dhe përgjegjësia kryesore mbetet te mazhoranca, kusht jetik është gjetja e dialogur me opozitën dhe pjesëmarrja e saj në zgjedhje.
Për t’i dhënë fund sagës së zgjedhejve të manipuluara, ku secili të ketë mundësinë të shpalosë aftësitë e veta. Duhet t’i thërrasim arsyes për të reazlizuar, zgjedhje ku qytetarët të kenë mundësi të zgjedhin jo vetëm të votojnë.
Rama vijoi më tej duke thënë se duhet t’i jepet fund deklaratave të ndara dhe palët duhet të ulen urgjent në tryezën e dialogut. (E.K/SHUPLAKA)
Discussion about this post