Presidenti Meta në një konferencë për gazetarët, ku bëri publike në mënyrë të plotë letrën që i ka dërguar komisionerit të zgjerimit, u pyet nga gazetarët dhe për ultimatumin që i ka dhënë qeverisë për 15 Marsin.
Meta nuk i dha një përgjigje të qartë pyetjes, nëse do të shkojë në Kuvend dhe të bëjë shpërndarjen e Kuvendit, në rast se ky i fundit nuk i merr parasysh dekretin për kthimin pas të ligjit për betimet në Gjykatën Kushtetuese.
Pyetje: A i qendroni skenarit që të shkoni në Kuvend dhe të firmosni dekretin për shpërndarjen e tij, në rast se mazhoranca nuk i merr parasysh dekretet tuaja?
Meta: Kam një pyetje shumë miqësore edhe për kreun e Kuvendit, zotin Ruçi, se pse duhet të kërkohet gjithë kjo situatë kur presidenti ka kërkuar që në fillim, të veprohet sa më shpejt për krijimin e gjykatës Kushtetuese, dhe nuk ka marrë asnjë lloj përgjigje?
Meta tha se mazhoranca po përpiqet që të krijojë alibi për refuzimin për çeljen e negociatave,
“Të mos përgatiten tani që të përdorin alibi për mosçeljen e negociatave, botës është mirë që ti thuhet sesi qendron e vërteta.
Integriteti i Gjykatës Kushtetuese është e kuqe flak, ju e patë uraganin kuqezi”, u shpreh presidenti Meta përpara gazetarëve.
Discussion about this post