Deputeti Dashamir Shehi, në mbyllje të emisionit “Të Paekspozuarit”, ka pyetur gazetarët Rakipi, Lubonja dhe Babaramo, nëse do të marrin pjesë në protestën e 16 shkurtit, që sipas opozitës do të jetë më e madhja në këto vitet e fundit. Dhe përgjigja e të tre gazetarëve është se do të jenë në shesh, për të bërë punën e tyre, dhe jo si militantë.
Dashamir Shehi: Ju çfarë do të bëni në 16 shkurt?
Ylli Rakipi: Së pari do të jem në protestë si gazetar, për të bërë punën time. Së dyti do të jem në protestë, jo për ju dhe për opozitën por për vete dhe për familjen time.
Fatos Lubonja: Nuk mund të dalë si militant i Partisë Demokratike, por si gazetar, patjetër do të jem aty.
Ilir Babaramo: Do jem aty si gazetar, për ne e shtuna është ditë pune.
Protesta e së shtunës vjen pas një retorike të ndezur mes forcave politike, saqë kryetarja e LSI-së Monika Kryemadhi ka vendosur një kusht, nëse Rama nuk ikën përmes vullnetit të qytetarëve, duhet të jetë ajo dhe Basha, ata që duhet të largohen nga politika.
(E.K/FAXWEB.AL)
Discussion about this post