Kreu i PD-së, Lulzim Basha për herë të parë sot ka pranuar se dhe diegia e mandateve të opozitës është një mundësi reale që po shihet nga ana e deputetëve opozitarë.
Basha i ulur në kryqëzimin e Vorës sëbashku me protestuesit e tjetrë ka dhënë disa nga arsyet pse po protestohet.
“Rama e ka kapur drejtësinë, – tha Basha. ”Ka bërë shtetrrethim për 23 kuksianë sikur të ishin terroristë, kurse Tahirin, Sotën, Balilin etj i ka të gjithë në liri. Shikoni shtëpinë e Tahirit e të këtyre dhe të kuksianëve. Drejtësia e Ramës është drejtësia që fut në burg popullin dhe le të lirë kriminelët!”, tha më tej kreu i PD-së.
I pyetur nga mediat, “a do t’i digjni mandatet për të qënë në krah të qytetarëve”, Basha tha “të gjithë alternativat janë të hapura” dhe se do të veprohet hap pas hapi.
Ndërkohë situata duket e tensionuar në disa qytete dhe akse të vendit në Elbasan protestuesit kanë djegur goma, ndërsa në Milot ka patur “përplasje” të protestuesve me policinë.
(E.K/FAXWEB)
Discussion about this post