Kreu i LSI-së Petrit Vasili ka anashkaluar pyetjen se çfarë do të bëjë LSI për zgjedhjet e 18 qershorit. Përsa i përket pyetjes se për zgjedhjet e 18 qershorit a do të vazhdojë LSI rrugën e Ramës, kreu i LSI-së Vasili nuk dha një përgjigje konkrete.
Në përfundim të një takimi për rolin e shërbimit të provës në rehabilitimin e të dënuarve të mitur Vasili duke iu referuar ngërçit aktual tha se politika e ka të lehtë zgjidhjen, pasi gjërat i ka të qarta në tavolinë.
“Politika e ditës ka prodhur, prodhon shumë lajme por nuk prodhon zgjidhje. Kjo e sotmja ishte një shembull sesi dëshira e mirë mund të prodhojë zgjidhje të vështira siç ishte rasti i këtyre fëmijëve, mendoni sa e lehtë është zgjidhja nga politika shqiptare që i ka të qarta gjërat në tavolinë. Unë jam shumë predispozuar të mos jap asgjë më shumë nga kjo e ditës. Nga kjo që më the deri në 12:00 të natës do të kemi lajme politike. Do t’i prodhojmë me bollëk, por do të doja të prodhonin zgjidhje jo vetëm fjalë të ditës. Këtu kemi lajmin e madh.”, u shpreh Vasili.
Duhet të theksojmë që opozita nuk është rregjistruar në zgjedhje, por vetëm 15 parti në vend janë të gatshme të hynë në zgjedhjet e 18 qersgorit.
LSI gjithmonë ka theksuar se futja e opozitës në zgjedhje është shumë e rëndësishme edhe për këtë duhet të ketë negociata mes palëve. (J.V/Shuplaka)
Discussion about this post