Ditën e sotme do të mblidhet për herë të parë Grupi Parlamentar i PD-së dalë nga zgjedhjet e 28 Qershorit.
Mbledhja pritet të nis nga ora 18:00 dhe në mbledhje pritet të diskutohet dhe në lidhje me kreun e ri të Grupit Parlamentar.
Sipas ‘’Shekullit” Grida Duma ka gjasa të mëdha të propozohet nga kreu demokrat Lulzim Basha të drejtojë kreun e grupit parlamentar, ndërsa Edi Paloka do të vijojë të jetë një prej nënkryetarëve të PD-së.
Rivali i vetëm i Grida Dumës mendohet të jetë Enkeled Alibeaj. Ndërsa në vend të Edmond Spahos për postin e nënkryetarit, emrat e përfolur janë ai i Tritan Shehut dhe Aldo Bumçit.
Mësohet se Sekretari i Përgjithshëm Arben Ristani si dhe sekretari Organizativ Enno Bozdo nuk do të jenë më në këto poste. Në vend të Arben Ristanit, Basha do të zgjedhë në mes të Gent Strazimirit dhe Ervin Salianjit, ndërsa në postin e Sekretarit Organizativ kreu demokrat pritet të rikthejë Flamur Nokën.
Për t’u konfirmuar këto emra na duhet të presim pasditen e sotme. Kuvendi do të ketë dy seanca ditën e djeshme, ku në seancën e parë do të bëhet zgjedhja e Kryetarit dhe në seancën e dytë do të bëhet dhe votimi i qeverisë së re.
(E.K/SHUPLAKA)
Discussion about this post