Ka shumë zëra, që thonë se, presidenti i Republikës Bujar Nishani, pasi të lerë detyrën e kreut të shtetit, do të marrë drejtimin e Partisë Demokratike.
Por ka qenë vetë presidenti Nishani, që gjatë intervistës në Ora News, e ka hedhur poshtë këtë hipotezë.
“Është qesharake, PD e ka kryetarin. Është një shans për PD që ka një kryetar si zoti Basha. Reflekton pozitivitet, ka goxha eksperiencë në një moshë jo shumë të madhe. PD është e rëndësishme për vendin ashtu si PS.Nuk ka asnjë lidhje dhe asnjë bazë ngritja e hipotezave të tilla”, u shpreh presidenti Bujar Nishani.
