Kryetari i PS-së së Tiranës, Saimir Tahiri ka qenë në një bashkëbisedim me të rinjtë e FRESH, në kampingun e Jalës.
Gjatë bashkëbisedimit me të rinjtë, ata nuk kanë nguruar ta pyesin Tahirin nëse do të jetë sërish ministër i brendshëm. Vetë Tahiri për herë të parë në lidhje me këtë çështje, është përgjigjur duke e mohuar.
Ndërkohë që ka theksuar se standardet e vendosura tashmë në Policinë e Shtetit vetëm do të shtyhen para.
“Jo, unë nuk do jem ministër i Brendshëm dhe besoj që çdo punë e ka një fillim dhe një fund. Nuk ka rëndësi sa kohë je në një punë, ka rëndësi çfarë bën gjatë kohës që je. Unë them që u përpoqa të bëj më të mirën time. Besoj që cilido është pasardhësi, do e ketë të vështirë të zhbëjë gjithë atë që u rregullua”, tha ish-ministri.
Duke vlerësuar kontributin e të rinjve socialistë në garat elektorale, ai tha se në zgjedhjet e ardhshme anëtarë të kësaj organizate të jenë të zgjedhur në këshillat bashkiakë dhe në grupin e deputetëve”, tha Tahiri. (S.SH/Shuplaka)
Discussion about this post