Zëdhënësja e Grupit Parlamentar të PD, Grida Duma e ftuar në “Dritare meRudinën”, ka folur për kandidimin e saj, për kreun e bashkisë së Durrësit, përballë Vangjush Dakos.
Duma thotë se në Durrës sakrifikoi, pasi votat ishin të kontraktuara sipas saj.
“Në Durrës unë sakrifikova, sepse ishte votë e kontraktuar. Por, kam mësuar diçka të rëndësishme, se sukseset e të gjithë liderëve të mëdhenj, vijnë nga humbjet”, tha ajo.
Ndër të tjera e pyetur nësë do të kandidonte përballë kreytarit të Bashkisë së Tiranës, Erion Veliaj, ajo u shpreh se kjo gjë ende nuk është folur dhe se asgjë nuk e tremb.
“Nuk është folur ende për këtë gjë. Por, mua asgjë nuk më tremb”, tha Duma.
(S.SH/Shuplaka)
